மலேரியா பாதிப்பைக் கட்டுப்படுத்துவதில் தில்லி அரசு தோல்வி

ஆம் ஆத்மி குற்றச்சாட்டு

- நமது நிருபர்

நமது நிருபர் புது தில்லி, ஆக.1: தில்லியில் மலேரியா பாதிப்பைக் கட்டுப்படுத்துவதிலும், பொது சுகாதாரம் மற்றும் உள்கட்டமைப்பு நெருக்கடிகளைச் சமாளிப்பதிலும் பாஜக அரசு தோல்வியடைந்ததாக ஆம் ஆத்மி கட்சி குற்றஞ்சாட்டியுள்ளது.

இதுகுறித்து தில்லி ஆம் ஆத்மி பிரிவு தலைவர் சௌரவ் பரத்வாஜ் செய்தியாளர்களிடம் வெள்ளிக்கிழமை கூறியதாவது: தில்லியில் மலேரியா பாதிப்பு வரலாறு காணாத அளவுக்கு அதிகரித்துள்ளது.

இது கடந்த 10 ஆண்டுகளில் இல்லாத அளவுக்கு அதிகமாகும். நகரம் முழுவதும் பெருமளவில், கட்டுப்பாடற்ற நீர் தேங்குவதன் நேரடி விளைவுதான் இது. வீடுகள் வெள்ளத்தில் மூழ்கியதற்கான தினசரி சான்றுகள் இருந்தபோதிலும், பாஜக அமைச்சர்கள் பொதுமக்களிடம் தண்ணீர் தேங்கவில்லை என்று பொய் கூறி வருகின்றனர்.