எஃப்ஒய்யுபி படிப்பு: தில்லி பல்கலை. அறிவிக்கை வெளியீடு

நான்கு ஆண்டு இளங்கலை திட்டத்தின் (எஃப்ஒய்யுபி) கீழ் சேர்ந்த மாணவர்கள், பட்டப்படிப்புடன் மூன்றாம் ஆண்டு முடித்த பிறகு அப்படிப்பிலிருந்து வெளியேற அனுமதிக்கும் அறிவிக்கையை தில்லி பல்கலைக்கழகம் வெளியிட்டுள்ளது.

- நமது நிருபர்

நமது நிருபர் புது தில்லி, ஜூலை 3:

தேசிய கல்விக் கொள்கை (என்இபி) 2020-ஐ செயல்படுத்துவதில் ஒரு முக்கிய நடவடிக்கையைக் குறிக்கும் வகையில் இந்த அறிவிக்கை வெளியிடப்பட்டுள்ளது. இது தொடர்பாக தில்லி பல்கலைக்கழகம் மூலம் வியாழக்கிழமை வெளியிடப்பட்ட அதிகாரப்பூர்வ அறிவிக்கையில் தெரிவிக்கப்பட்டிருப்பதாவது: இளங்கலை பட்ட பாடத்திட்ட கட்டமைப்பு 2022-இன் கீழ் ஆறு செமஸ்டர்களை (மூன்று ஆண்டுகள்) வெற்றிகரமாக முடித்த மாணவர்கள், மல்டி-கோர் துறை திட்டங்களுக்கான ஒரு பொதுப் பட்டம் அல்லது சிங்கிள்-கோர் துறைகளுக்கான ஹானர்ஸ் பட்டம் என்ற மூன்று ஆண்டு பட்டப்படிப்புடன் வெளியேறத் தகுதியுடையவர்கள் ஆவர்.