தில்லி வர்த்தகர்களுக்கு நல வாரியம்: முதல்வர் அறிவிப்பு

தலைநகரில் இயங்கும் வர்த்தகர்களுக்காக நல வாரியத்தை உருவாக்குவதாக முதல்வர் ரேகா குப்தா அறிவித்துள்ளார்.

- நமது நிருபர்

நமது நிருபர் புது தில்லி, ஜூன் 25:

சட்டப்பேரவைத் தேர்தலின் போது பாஜகதனது தேர்தல் அறிக்கையில் அளித்த முக்கிய வாக்குறுதிகளில் ஒன்று தில்லி வர்த்தகர்கள் நல வாரியத்தை உருவாக்குவதாகும்.

இது குறித்து தில்லி முதல்வர் ரேகா குப்தா கூறியதாவது: தலைநகரின் வர்த்தகர்களுக்காக தில்லி அரசு வரலாற்றுச் சிறப்புமிக்க ஒரு முடிவை எடுத்துள்ளது. அதன்படி, தில்லி வர்த்தகர்கள் நல வாரியம் அமைக்க ஒப்புதல் அளிக்கப்பட்டுள்ளது.

இந்த வாரியம் வர்த்தகர்களின் நலன், சமூக பாதுகாப்பு மற்றும் பொருளாதார வலுவூட்டல் ஆகியவற்றிற்காக செயல்படுவது மட்டுமல்லாமல், வணிகம் மற்றும் முதலீட்டை எளிதாக்குவதற்கு தில்லியை மிகவும் சாதகமான தலைநகராக மாற்றுவதற்கான ஒரு மைல் கல்லாக அமையும்.