திமுக கூட்டணியிலிருந்து மதிமுக விலகல்

திமுக கூட்டணியிலிருந்து மதிமுக விலகுவதாக அக்கட்சியின் பொதுக் குழுவில் தீர்மானிக்கப்பட்டது. நடைபெறவுள்ள இடைத்தேர்தல்களில் தவெகவுக்கு மதிமுக ஆதரவளிக்கும் என மதிமுக பொதுச் செயலர் வைகோ தெரிவித்தார்.

- 

சென்னை அண்ணாநகரில் உள்ள தனியார் மண்டபத்தில் சனிக்கிழமை நடைபெற்ற மதிமுக 32-ஆவது பொதுக் குழுக் கூட்டத்துக்கு பின்னர், செய்தியாளர்களிடம் வைகோ கூறியதாவது:

பொதுக்குழுவில் எடுக்கப்பட்ட தீர்மானத்தின் அடிப்படையில், திமுக கூட்டணியிலிருந்து மதிமுக விலகுகிறது. இனி எந்தச் சூழ்நிலையிலும் மீண்டும் திமுக கூட்டணியில் இணையக் கூடாது என்றும் பொதுக் குழுவில் வலியுறுத்தப்பட்டது.

இரு எம்எல்ஏக்களும் வரவில்லை: சட்டப்பேரவைத் தேர்தலில் மதச்சார்பற்ற முற்போக்கு கூட்டணி சார்பில், மதிமுக நான்கு தொகுதிகளில் போட்டியிட்டு, சீர்காழி, கடையநல்லூர் ஆகிய இரு தொகுதிகளில் வெற்றி பெற்றது.