இந்தியா-பாகிஸ்தான் பதற்றம்: பிரிட்டன் நாடாளுமன்றத்தில் விவாதம்

பஹல்காம் தாக்குதலுக்குப் பதிலடியாக பாகிஸ்தானில் இந்தியா நடத்திய ஆபரேஷன் சிந்தூர் நடவடிக்கை மற்றும் அதைத் தொடர்ந்து இருநாட்டு எல்லையில் நிலவும் மோதல் குறித்து பிரிட்டன் நாடாளுமன்றத்தில் புதன்கிழமை விவாதம் நடைபெற்றுள்ளது.

- 

லண்டன், மே 8:

இந்தியா-பாகிஸ்தான் பதற்றத்தைத் தணிக்கும் முயற்சியில் பிரிட்டன் ஈடுபட வேண்டும் என்றும் விவாதத்தில் கலந்துகொண்ட பல்வேறு கட்சிகள் வலியுறுத்தின.

பஹல்காமில் அப்பாவி மக்கள் 26 பேரை சுட்டுக் கொன்ற பாகிஸ்தான் பயங்கரவாதிகளின் கொடூர தாக்குதலுக்கு எதிராக ‘ஆபரேஷன் சிந்தூர்’ மேற்கொள்ளப்பட்டது. இதில் பாகிஸ்தானின் 9 இடங்களில் இருந்த பயங்கரவாத முகாம்கள் ஏவுகணை வீசி அழிக்கப்பட்டன.