காங்கிரஸின் ரூ.661 கோடி சொத்துகளை கையகப்படுத்த நோட்டீஸ் அமலாக்கத் துறை நடவடிக்கை

காங்கிரஸ் கட்டுப்பாட்டில் உள்ள அசோசியேடட் ஜர்னல்ஸ் நிறுவனத்தின் (ஏஜேஎல்) ரூ.661 கோடி மதிப்பிலான அசையா சொத்துகளை கையகப்படுத்த நோட்டீஸ் அனுப்பியுள்ளதாக அமலாக்கத் துறை சனிக்கிழமை தெரிவித்தது.

- 

புது தில்லி, ஏப்.12:

முன்னதாக, ஏஜேஎல் நிறுவனம் மற்றும் அந்த நிறுவனத்தால் வெளியிடப்படும் 'நேஷனல் ஹெரால்டு' பத்திரிகையின் சொத்துகளை பணமுறைகேடு வழக்கில் அமலாக்கத் துறை சேர்த்திருந்த நிலையில் தற்போது நோட்டீஸ் அனுப்பியுள்ளது.

ஏஜேஎல் நிறுவனம் யங் இந்தியா நிறுவனத்துக்கு சொந்தமானதாகும். யங் இந்தியா நிறுவனத்தில் காங்கிரஸ் மூத்த தலைவர்கள் சோனியா காந்தி மற்றும் ராகுல் காந்திக்கு தலா 38 சதவீத பங்குகள் உள்ளன.