தில்லியில் இருந்து தமிழகத்தை ஆட்சி செய்ய அனுமதிக்க மாட்டோம்

முதல்வர் மு.க. ஸ்டாலின்

- 

சேலம், ஜூன் 12: தில்லியில் இருந்து தமிழகத்தை ஆட்சி செய்ய ஒருபோதும் அனுமதிக்க மாட்டோம் என சேலத்தில் வியாழக்கிழமை நடைபெற்ற அரசு விழாவில் முதல்வர் மு.க. ஸ்டாலின் கூறினார்.

சேலம் இரும்பாலை அரசு மருத்துவக் கல்லூரி வளாகத்தில் நடைபெற்ற விழாவில் பங்கேற்ற முதல்வர் மு.க.ஸ்டாலின், ரூ. 1,244.28 கோடியில் 509 திட்டப் பணிகளுக்கு அடிக்கல் நாட்டியதுடன், ரூ. 200.26 கோடியில் முடிவுற்ற 225 திட்டப் பணிகளையும் தொடங்கிவைத்தார். தொடர்ந்து, வருவாய்த் துறை, ஊரக வளர்ச்சித் துறை, மாற்றுத்திறனாளிகள் துறை உள்ளிட்ட பல்வேறு துறைகளின் சார்பில் ரூ. 204.64 கோடியில் 1,01,203 பயனாளிகளுக்கு நலத்திட்ட உதவிகளை வழங்கினார்.

தொடர்ந்து முதல்வர் மு.க. ஸ்டாலின் பேசியதாவது: தமிழகத்தின் நெற்களஞ்சியமான டெல்டா மாவட்டங்களின் உயிர்நாடியாக இருப்பது காவிரி நீர்தான். 16 மாவட்டங்களை செழிக்க வைக்கும் மேட்டூர் அணையை கடந்த 4 ஆண்டுகளாக குறித்த நாளில் திறந்துவைத்து வருகிறோம்.

சொல்வதை செய்து முடிக்கக் கூடிய ஆட்சியாக திராவிட மாடல் அரசை நடத்தி வருகிறோம். அந்த வரிசையில், சேலம் மாவட்டத்துக்கு 6 புதிய அறிவிப்புகளை வெளியிடுவதில் மகிழ்ச்சி அடைகிறேன்.