இணையவழி சூதாட்ட வழக்கு: கர்நாடக காங்கிரஸ் எம்எல்ஏ கைது

ரூ.12 கோடி ரொக்கம், ரூ.6 கோடி நகைகள் பறிமுதல்

- 

பெங்களூரு, ஆக. 23: சட்டவிரோத இணையவழி சூதாட்ட வழக்கில் கர்நாடக மாநிலம், சித்ரதுர்கா தொகுதி காங்கிரஸ் எம்எல்ஏ கே.சி.வீரேந்திராவை அமலாக்கத் துறை அதிகாரிகள் சனிக்கிழமை கைது செய்தனர்.

இணையவழியாகவும், நேரடியாகவும் சட்டவிரோத பந்தயத்தில் (ஆன்லைன் பெட்டிங்) ஈடுபட்ட புகாரில் கே.சி.வீரேந்திரா மீது பணமுறைகேடு தடுப்புச் சட்டத்தின் கீழ் வழக்கு பதிவு செய்த அமலாக்கத் துறை அதிகாரிகள், சித்ரதுர்கா, பெங்களூரு, ஹுப்பள்ளி, ஜோத்பூர், மும்பை, கோவா, கேங்டாக் நகரங்களில் செயல்படும் பப்.பீஸ் கேசினோ கோல்ட், ஓஷன் ரிவர்ஸ் கேசினோ, பப்பீஸ் கேசினோ பிரைட், ஓஷன் 7 கேசினோ, பிக் டாடி கேசினோ உள்ளிட்ட சூதாட்ட மையங்கள் உள்பட 31 இடங்களில் வெள்ளி, சனி ஆகிய இரண்டு நாள்கள் சோதனை மேற்கொண்டனர்.