மதுரை மேயரின் கணவர், உதவி ஆணையர் கைது

மதுரை மாநகராட்சி சொத்து வரி விதிப்பு முறைகேடு தொடர்பாக, வ.இந்திராணியின் கணவர் பொன்.வசந்த், தூத்துக்குடி மாநகராட்சி உதவி ஆணையர் சுரேஷ்குமார் ஆகியோரை போலீஸார் செவ்வாய்க்கிழமை கைது செய்தனர்.

- 

மதுரை, ஆக. 12:

மதுரை மாநகராட்சியில் 5 மண்டலங்கள், 100 வார்டுகள் உள்ளன. இங்குள்ள வணிக வளாகங்களுக்கு நிர்ணயிக்கப்பட்ட வரியை விடக் குறைந்த அளவிலான வரி விதிக்கப்பட்டதாக புகார் எழுந்தது. இதுதொடர்பான விசாரணையில் ரூ.150 கோடி மாநகராட்சிக்கு வருவாய் இழப்பு ஏற்பட்டது தெரியவந்தது.

இதையடுத்து, அப்போதைய மாநகராட்சி ஆணையராக பணியாற்றிய ச. தினேஷ்குமார் அளித்த புகாரின் பேரில், மத்திய குற்றப்பிரிவு போலீஸார் வழக்கு பதிந்து, வரி விதிப்பு முறைகேட்டில் தொடர்புடைய ஓய்வு பெற்ற உதவி ஆணையர், உதவி வருவாய் அலுவலர் உள்ளிட்ட 12 பேரைக் கைது செய்தனர்.