உயர்நிலைப் பால கட்டுமானப் பணிகளை விரைந்து தொடங்க உயர்நீதிமன்றம் உத்தரவு

கரூர் மாவட்டம், கோயம்பள்ளி-மேலப்பாளையம் கிராமங்களை இணைக்கும் வகையில், அமராவதி ஆற்றின் குறுக்கே உயர்நிலைப் பாலத்துக்கான கட்டுமானப் பணிகளை விரைந்து தொடங்க வேண்டும் என சென்னை உயர்நீதிமன்ற மதுரை அமர்வு வெள்ளிக்கிழமை உத்தரவிட்டது.

- 

மதுரை, ஜூலை 18:

கரூர் எஸ்.வெள்ளாளப்பட்டியைச் சேர்ந்த முத்துவேலு சென்னை உயர்நீதிமன்ற மதுரை அமர்வில் தாக்கல் செய்த பொது நல மனு: கரூர் மாவட்டத்தில் கோயம்பள்ளி, மேலப்பாளையம், செல்லிப்பாளையம், சோமூர், திருமுக்கூடலூர் உள்ளிட்ட கிராமங்களைச் சேர்ந்தவர்கள் போக்குவரத்து நெரிசல் காரணமாக, கரூர் நகரப் பகுதிக்கு செல்ல மிகுந்த சிரமத்தை எதிர்கொண்டனர்.

இதனால், கோயம்பள்ளி-மேலப்பாளையம் இடையே அமராவதி ஆற்றைக் கடக்கும் வகையில் உயர்நிலைப் பாலம் கட்டித் தரக் கோரி, பல்வேறு ஆர்ப்பாட்டங்கள் நடைபெற்றன.