ராபர்ட் வதேரா: அமலாக்கத் துறை வழக்கு கடந்து வந்த பாதை...

தில்லியை இணைக்கும் ஹரியாணாவின் எல்லை நகரான குருகிராம் நில பேர வழக்கில் பிரபல தொழிலதிபர் ராபர்ட் வதேரா, ஹரியாணா முன்னாள் முதல்வர் பூபிந்தர் சிங் ஹூடா, 10 பேர் மீது அமலாக்கத் துறை இயக்ககம் முதல் குற்றப்பத்திரிகையை தாக்கல் செய்தது.

- நமது சிறப்பு நிருபர்

புது தில்லி, ஜூலை 17: அவர் மீது மூன்று வழக்குகள் நிலுவையில் உள்ள நிலையில், இது அவருக்கு எதிராக தாக்கல் செய்யப்பட்ட அமலாக்கத் துறையின் முதல் குற்றப்பத்திரிகையாகும்.

தில்லி ரூஸ் அவென்யு நீதிமன்றத்தில் தாக்கல் செய்யப்பட்ட இந்த குற்றப்பத்திரிகை மீதான விசாரணை வெள்ளிக்கிழமை (ஜூலை 18) நடைபெறவுள்ளது.

குற்றப்பத்திரிகையில் வதேராவுடன் சேர்த்து அவரது நிறுவனமான 'ஸ்கை லைட் ஹாஸ்பிடாலிட்டி', 'ஓம்காரேஷ்வர் பிராப்பர்டீஸ்' நிறுவனம், அவற்றின் தலைவர்கள் சத்யானந்த் யாஜி, கேவல் சிங் விரக், டிஎல்எஃப் நிறுவனம் உள்ளிட்ட பிறரின் பெயர்கள் உள்ளதாக அமலாக்கத்துறை வட்டாரங்கள் தெரிவித்தன.

குருகிராம் செக்டார் 83 -இல் உள்ள ஷிகோப்பூர் கிராமத்தில் 3.53 ஏக்கர் நிலத்தை மோசடியாக வாங்கியதாக அவர்கள் மீது குருகிராம் காவல்துறை 2018-இல் முதல் தகவல் அறிக்கையைப் பதிவு செய்தது. இந்த விவகாரத்தில் கோடிக்கணக்கில் பணப் பரிவர்த்தனை நடந்ததாகக் கூறி அமலாக்கத் துறை தற்போது குற்றப்பத்திரிகையை தாக்கல் செய்துள்ளது.

இந்த வழக்கு கடந்து வந்த பாதை: