நான் முதல்வன் திட்டத்தால் 41 லட்சம் மாணவர்கள் பயன்

'நான் முதல்வன்' திட்டத்தில் இதுவரை 41 லட்சத்துக்கும் மேற்பட்ட மாணவர்களுக்கு திறன் மேம்பாட்டு பயிற்சிகள் வழங்கப்பட்டுள்ளதாக தமிழக அரசு தெரிவித்தது.

- 

சென்னை, ஜூலை 6:

இதுதொடர்பாக வெளியிடப்பட்ட செய்திக் குறிப்பு: முதல்வர் மு.க.ஸ்டாலின் தலைமையிலான அரசு, பொருளாதாரம், வேளாண்மை, நீர்வளம், கல்வி, சுகாதாரம், ஊரகம், நகர்ப்புற வளர்ச்சி, சமூக நீதி ஆகிய 7 முக்கிய அம்சங்களைக் கருத்தில் கொண்டு பல்வேறு திட்டங்களை நடைமுறைப்படுத்தி வருகிறது.

கடந்த நான்கு ஆண்டுகளில் 30-க்கும் மேற்பட்ட துறைகளில் 2,59,072 இளைஞர்களுக்கு வேலைவாய்ப்புகள் தொடர்பான குறுகிய காலத் திறன் பயிற்சிகளை வழங்கியுள்ளது.

தொழிற்பயிற்சி நிலைய மாணவர்கள், முகாம் வாழ் இலங்கை தமிழர்கள், பழங்குடி இளைஞர்கள், மாற்றுத் திறனாளிகள், தமிழ்நாடு நகர்ப்புற வாழ்விட மேம்பாட்டு வாரியத்தில் வசிக்கும் இளைஞர்கள், முன்னாள் ராணுவ வீரர்கள், மீனவர்கள், மகளிர் மற்றும் திருநங்கைகள், கலைஞர்கள் என மொத்தம் 15,890 இளைஞர்களுக்குப் பல்வேறு துறைகளில் பயிற்சிகள் வழங்கப்பட்டுள்ளன.