மதுரை ஆதீனத்தின் செயலர் சென்னை காவல் துறையில் ஆஜர்

வதந்தி பரப்பியதாக மதுரை ஆதீனம் மீது பதிவு செய்யப்பட்ட வழக்கின் விசாரணைக்கு, அவரது செயலர் சென்னை கிழக்கு மண்டல இணைய குற்றத் தடுப்புப் பிரிவில் சனிக்கிழமை ஆஜரானார்.

- 

சென்னை, ஜூலை 5:

கள்ளக்குறிச்சி மாவட்டம், உளுந்தூர்பேட்டை பகுதியில் தன்னை காரை ஏற்றி ஒரு கும்பல் கொலை செய்ய முயன்றதாக மதுரை ஆதீனம் ஸ்ரீ ஞானசம்பந்த தேசிக பரமாசாரிய சுவாமிகள் குற்றஞ்சாட்டினார். இதற்கு கள்ளக்குறிச்சி மாவட்ட காவல் துறை மறுப்பு தெரிவித்தது.

இதனிடையே, மதுரை ஆதீனம் வதந்தி பரப்புவதாகவும், அவர் மீது நடவடிக்கை எடுக்க வேண்டும் எனவும் சென்னை அயனாவரத்தைச் சேர்ந்த உயர்நீதிமன்ற வழக்குரைஞர் ராஜேந்திரன், சென்னை காவல் ஆணையரகத்தில் புகார் அளித்தார்.