விஞ்ஞானி நெல்லை சு.முத்து (74) காலமானார்

இஸ்ரோ முன்னாள் விஞ்ஞானி நெல்லை சு. முத்து (74) உடல்நலக்குறைவால் திருவனந்தபுரத்தில் ஞாயிற்றுக்கிழமை (ஜூன் 15) காலமானார்.

- 

மதுரை, ஜூன் 16:

இவர் ஸ்ரீஹரிகோட்டாவில் உள்ள இந்திய விண்வெளி ஆய்வு மையத்தில் (இஸ்ரோ) முதல்நிலை விஞ்ஞானியாகப் பணியாற்றி ஓய்வு பெற்றவர். மறைந்த முன்னாள் குடியரசுத் தலைவர் அப்துல் கலாமுடன் பணியாற்றியவர். தன்னைப் போன்றே சிந்திக்கக் கூடியவர் என அப்துல் கலாமால் பாராட்டப்பட்டவர். விக்ரம் சாராபாய் விண்வெளி ஆய்வு மையம், சதீஷ் தவான் விண்வெளி ஆய்வு மையம், சென்னையில் உள்ள இந்திய விண்வெளி அலுவலகம் ஆகியவற்றில் சுமார் 38 ஆண்டுகள் பணியாற்றியவர். விஞ்ஞானி, எழுத்தாளர், தமிழார்வலர், கட்டுரையாளர் என பல்வேறு பரிமாணங்களைக் கொண்டவர்.