முன்னாள் அமைச்சரின் மனைவி மீதான சொத்துக் குவிப்பு வழக்கில் உச்சநீதிமன்ற இரு நீதிபதிகள் மாறுப்பட்ட தீர்ப்பு

வருமானத்துக்குப் பொருந்ததாக சொத்துகள் சேர்த்ததாக தொடுக்கப்பட்ட வழக்கில் மறைந்த தமிழக முன்னாள் அமைச்சர் அ.மா. பரமசிவத்தின் மனைவி நல்லம்மாள் தாக்கல் செய்த மேல்முறையீட்டு வழக்கில் உச்சநீதிமன்றத்தின் இரு நீதிபதிகள் புதன்கிழமை மாறுபட்ட தீர்ப்பை வழங்கியுள்ளனர்.

- நமது நிருபர்

நமது நிருபர் புது தில்லி, மே 8: இதையடுத்து, இந்த வழக்கு தற்போது உச்சநீதிமன்ற தலைமை நீதிபதியின் விசாரணைக்கு பரிந்துரைக்கப்பட்டது.

தமிழகத்தில் 1991-1996 ஆண்டுவரை ஜெயலலிதா முதலமைச்சராக இருந்தபோது அவரது அமைச்சரவையில் தொழிலாளர் நலத்துறை அமைச்சராக அ.மா. பரமசிவம் இருந்தார். அவரது பதவிக்காலத்தில் வருமானத்துக்கு அதிகமாக சொத்து சேர்த்ததாக அவர் மீது வழக்கு தொடரப்பட்டது. இந்த வழக்கில் பரமசிவத்தை சொத்து சேர்க்கத் தூண்டியதாக அவரது மனைவி மீது குற்றம் சாட்டப்பட்டது. ஆனால், இந்த விவகாரத்தில் நல்லம்மாளையும் குற்றத்தில் பொறுப்பேற்கச் செய்ய வேண்டுமா என்பது தொடர்பாக நீதிபதிகள் சுதான்ஷு துலியா மற்றும் அஹ்சானுதீன் அமானுல்லா அடங்கிய அமர்வு வேறுபட்ட கருத்துகளை தீர்ப்பில் பதிவு செய்துள்ளது.