தமிழகக் கோயில்களில் அறங்காவலர்களை நியமிக்கக் கோரிய மனு தள்ளுபடி

உயர்நீதிமன்றத்தை அணுக அறிவுறுத்தல்

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 3: தமிழகக் கோயில்களில் காலியாக உள்ள அறங்காவலர் பொறுப்புகளுக்கான இடங்களில் நியமனம் செய்ய உத்தரவிடக் கோரிய மனுவை திங்கள்கிழமை தள்ளுபடி செய்த உச்சநீதிமன்றம், இந்த விவகாரத்தில் சென்னை உயர்நீதிமன்றத்தை அணுக அறிவுறுத்தியது.

தமிழக இந்து சமய அறநிலையத் துறையின்கீழ் உள்ள சுமார் 38,000 கோயில்களில் முறையாக அறங்காவலர்களை நியமிக்கக் கோரியும், கோயில்களில் நடைபெறும் முறைகேடுகளைத் தடுக்க ஓய்வுபெற்ற நீதிபதி தலைமையில் குழு அமைக்கக் கோரியும் உச்சநீதிமன்றத்தில் ஹிந்து தர்ம பரிஷத் அமைப்பு உள்ளிட்டவர்கள் சார்பில் மனுக்கள் தாக்கல் செய்யப்பட்டன.