தொழில்நுட்பக் கோளாறு மதுரை-துபை விமானம் ரத்து

மதுரையிலிருந்து துபைக்கு வியாழக்கிழமை புறப்படவிருந்த விமானத்தில் தொழில்நுட்பக் கோளாறு ஏற்பட்டதால், அந்த விமானம் ரத்து செய்யப்பட்டது.

- 

திருப்பரங்குன்றம், ஆக. 28: மதுரையிலிருந்து துபைக்கு வியாழக்கிழமை புறப்படவிருந்த விமானத்தில் தொழில்நுட்பக் கோளாறு ஏற்பட்டதால், அந்த விமானம் ரத்து செய்யப்பட்டது. இதனால், 130 பயணிகள் விமான நிலையத்தில் சுமார் 6 மணி நேரம் காத்திருந்து திரும்பிச் சென்றனர்.

துபையிலிருந்து வியாழக்கிழமை காலை 11.30 மணிக்கு மதுரைக்கு வந்த விமானம், மீண்டும் நண்பகல் 12.10 மணிக்கு 130 பயணிகளுடன் துபைக்கு புறப்பட்டது. விமானம் ஓடுதளப் பாதையில் சென்றபோது, அதில் தொழில்நுட்பக் கோளாறு ஏற்பட்டது தெரியவந்தது.