கொத்தனார் சாவில் மர்மம்: உறவினர்கள் சாலை மறியல்

மாயனூரில் தண்டவாளம் அருகே வெட்டுக் காயங்களுடன் கொத்தனார் சடலம் மீட்கப்பட்டது. இறந்தவரின் உடலை வாங்க மறுத்து அவரது உறவினர்கள் கரூரில் திங்கள்கிழமை மாலை மறியல் போராட்டத்தில் ஈடுபட்டனர்.

- 

கரூர், ஆக. 25:

கரூர் மாவட்டம் மாயனூர் அருகே உள்ள சீகம்பட்டி புதுப்படியைச் சேர்ந்த சரவணன் மகன் மணிகண்டன் (24), கொத்தனார். இவருக்குத் திருமணமாகி ஜனனி என்ற மனைவி உள்ள நிலையில் மாயனூர் பகுதியில் கடந்தாண்டு வேலைக்குச் சென்றபோது அப்பகுதியைச் சேர்ந்த பெண்ணுடன் பழக்கம் ஏற்பட்டு இரு வீட்டார் எதிர்ப்பையும் மீறி கடந்த 23-ஆம் தேதி அந்த இளம்பெண்ணை மணிகண்டன் இரண்டாவதாகத் திருமணம் செய்தாராம். இதனிடையே பெண்ணின் வீட்டார் மாயனூர் காவல் நிலையத்தில் மகளைக் காணவில்லை எனப் புகார் அளித்தனர்.