மறைந்த சுதாகர் ரெட்டி உடல் மருத்துவக் கல்லூரிக்கு தானம்

மறைந்த இந்திய கம்யூனிஸ்ட் மூத்த தலைவரும், அக்கட்சியின் முன்னாள் பொதுச் செயலருமான சுரவரம் சுதாகர் ரெட்டியின் உடல், மருத்துவ ஆய்வுக்காக ஹைதராபாத் அரசு மருத்துவக் கல்லூரிக்கு ஞாயிற்றுக்கிழமை தானமாக வழங்கப்பட்டது.

- 

ஹைதராபாத், ஆக. 24:

வயது முதிர்வு சார்ந்த உடல்நலப் பிரச்னைகளால் ஹைதராபாத்தில் உள்ள தனியார் மருத்துவமனையில் சிகிச்சை பெற்று வந்த சுதாகர் ரெட்டி (83), கடந்த வெள்ளிக்கிழமை இரவு காலமானார். அவரது உடல், ஹைதராபாத்தில் உள்ள கட்சி அலுவலகத்தில் பொதுமக்கள் அஞ்சலிக்காக வைக்கப்பட்டது.