கரூர் பசுபதீஸ்வரர் கோயில் கடைகளுக்கு வாடகை செலுத்தாதவர்களுக்கு அபராதம்

கரூர் கல்யாண பசுபதீஸ்வரர் கோயிலுக்குச் சொந்தமான வணிக வளாகக் கடைகளுக்கு உரிய வாடகைச் செலுத்தாத நபர்களுக்கு அபராதம் விதித்து சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, ஆக. 11:

கரூரைச் சேர்ந்த எஸ்.பார்த்திபன், எம்.ஜெகதாம்பாள், ஏ.சுப்ரமணியன், மகேஸ்வரி ஆகிய 4 பேர் சென்னை உயர்நீதிமன்ற மதுரை அமர்வில் தாக்கல் செய்த சீராய்வு மனுக்கள்:

கரூர் கல்யாண பசுபதீஸ்வரர் கோயிலுக்குச் சொந்தமான வணிக வளாகக் கடைகளை கடந்த 1999-ஆம் ஆண்டு முதல் வாடகைக்கு எடுத்துள்ளோம். இந்தக் கடைகளின் வாடகை உயர்த்தப்படுவதாக கோயில் நிர்வாகம் தரப்பில் கடந்த 2016-ஆம் ஆண்டு அறிக்கை வழங்கப்பட்டது. உயர்த்தப்பட்ட வாடகை அதிகளவில் உள்ளது.