மேட்டூர் அணைக்கு நீர்வரத்து குறைந்ததால் மூடப்பட்ட 16 கண் உபரிநீர் போக்கி!

கர்நாடகத்தில் இருந்து வரும் தண்ணீரின் அளவு குறைந்ததால், மேட்டூர் அணையில் உபரிநீர் போக்கி மூடப்பட்டது.

- 

மேட்டூர், ஜூலை 13:

கர்நாடக மாநிலத்தில் பெய்துவந்த கனமழை காரணமாக அங்குள்ள கபினி மற்றும் கிருஷ்ணராஜசாகர் அணைகள் நிரம்பின. அணைகளின் பாதுகாப்பு கருதி உபரிநீர் காவிரியில் திறக்கப்பட்டது. இதன் காரணமாக காவிரியில் வெள்ளப்பெருக்கு ஏற்பட்டு மேட்டூர் அணைக்கு நீர்வரத்து அதிகரித்தது. இதனால், மேட்டூர் அணையின் நீர்மட்டம் மளமளவென உயர்ந்து கடந்த மாதம் 29-ஆம் தேதி முழு கொள்ளளவான 120 அடியை எட்டியது.