அரியலூர் மாவட்டத்தில் ஒருங்கிணைந்த வேளாண் விரிவாக்க மையம் திறப்பு

அரியலூர் மாவட்டம், ஆண்டிமடத்தில் ரூ.1 கோடி மதிப்பில் கட்டப்பட்ட சேமிப்பு கிடங்கு, தா.பழூரில் ரூ.2.50 கோடியில் கட்டப்பட்ட ஒருங்கிணைந்த வேளாண் விரிவாக்க மையம், விக்கிரங்கலத்தில் புதிய துணை வேளாண் விரிவாக்கம் ஆகியவற்றை தமிழக முதல்வர் மு.க.ஸ்டாலின் காணொலி காட்சிவாயிலாக வெள்ளிக்கிழமை திறந்துவைத்தார்.

- 

அரியலூர், ஜூலை 4:

இதைத் தொடர்ந்து, தா.பழூர் ஒருங்கிணைந்த வேளாண் விரிவாக்க மையத்தில், போக்குவரத்து மற்றும் மின்சாரத்துறை அமைச்சர் சா.சி.சிவசங்கர் குத்துவிளக்கேற்றி வைத்தார். தொடர்ந்து அவர், தா.பழூர் ஊராட்சியில், ஊட்டச்சத்து வேளாண்மை இயக்கத்தையும் தொடங்கிவைத்து, பயனாளிகளுக்கு காய்கறி விதை, பழச்செடி மற்றும் பயறு வகைத் தொகுப்புகளை வழங்கினார்.