மும்மொழிக் கொள்கை உத்தரவு வாபஸ்

மகாராஷ்டிரத்தில் 1 முதல் 5-ஆம் வகுப்பு வரை மூன்றாவது மொழியாக ஹிந்தியை கற்பிக்கம் வகையில், மும்மொழிக் கொள்கையை அமலாக்குவதற்கான இரு அரசாணைகளையும் திரும்பப் பெற மாநிலத்தில் ஆளும் பாஜக கூட்டணி அரசு முடிவு செய்துள்ளது.

- 

மும்பை, ஜூன் 29:

மகாராஷ்டிரத்தில் தொடக்கநிலை வகுப்புகளில் ஹிந்தி திணிக்கப்படுவதாகக் கூறி, பல்வேறு தரப்பினரும் போர்க்கொடி உயர்த்தியதால், மாநில அரசு பின்வாங்கியுள்ளது.

அதன்படி, மும்மொழிக் கொள்கை அரசாணைகளைத் திரும்பப் பெறும் முடிவை மாநில அமைச்சரவை மேற்கொண்டுள்ளது. மும்பையில் செய்தியாளர்களுக்கு ஞாயிற்றுக்கிழமை அளித்த பேட்டியில் முதல்வர் தேவேந்திர ஃபட்னவீஸ் இதைத் தெரிவித்தார்.

மகாராஷ்டிரத்தில் பாஜக தலைமையில் சிவசேனை (ஏக்நாத் ஷிண்டே), தேசியவாத காங்கிரஸ் (அஜீத் பவார்) ஆகிய கட்சிகளின் கூட்டணி ஆட்சி நடைபெறுகிறது. இங்கு மத்திய அரசின் தேசிய கல்விக் கொள்கைக்கு இணங்க மாநிலப் பள்ளிக் கல்வி பாடத்திட்ட கொள்கை கடந்த ஆண்டு வகுக்கப்பட்டது.