நீதிபதி யஷ்வந்த் வர்மா பதவி நீக்கப்பட்டால் ஓய்வூதிய பலன்கள் கிடைக்காது: அதிகாரிகள்

வீட்டில் கட்டுக் கட்டாகப் பணம் கண்டறியப்பட்ட விவகாரத்தில் நாடாளுமன்ற பதவி நீக்க நடவடிக்கையைத் தவிர்க்க உயர் நீதிமன்ற நீதிபதி யஷ்வந்த் வர்மா பதவியை தானாக முன்வந்து ராஜிநாமா செய்வதுதான் ஒரே வழி. இல்லையெனில், அவருக்கு ஓய்வூதியமும் பிற ஓய்வூதிய பலன்களும் கிடைக்க வாய்ப்பில்லை என்று உச்சநீதிமன்ற மற்றும் உயர்நீதிமன்ற நீதிபதிகள் நியமனம்-நீக்கத்துக் கான நடைமுறைகளை அறிந்த அதிகாரிகள் தரப்பில் தெரிவிக்கப்பட்டது.

- 

புது தில்லி, ஜூன் 8:

தில்லி உயர்நீதிமன்ற நீதிபதியாக யஷ்வந்த் வர்மா பதவி வகித்தபோது, அங்கு அவர் வசித்த அதிகாரபூர்வ இல்லத்தில் கடந்த மார்ச் 14-ஆம் தேதி தீ விபத்து ஏற்பட்டது. அப்போது, அங்குள்ள அறையில் பாதி எரிந்த மூட்டைகளில், கட்டுக்கட்டாகப் பணம் இருந்தது கண்டறியப்பட்டது. அந்தப் பணம் பின்னர் மாயமானது.