இன்றைய குழந்தைகளின் வாழ்க்கை!

ற்போது மருத்துவத் துறை வளர்ச்சியால் கருவில் ஏற்படும் மாற்றங்களை எளிதில் அறிந்து கொள்ள முடிகிறது.

- பொ.ஜெயச்சந்திரன்

ற்போது மருத்துவத் துறை வளர்ச்சியால் கருவில் ஏற்படும் மாற்றங்களை எளிதில் அறிந்து கொள்ள முடிகிறது. ஆனால், கிட்டத்தட்ட 1,300 ஆண்டுகளுக்கு முன்பே திருநாவுக்கரசர், 'கருவாகி குழம்பிலிருந்து கலித்து மூளை கருநரம்பும் வெள்ளெலும்பும் சேர்ந்து ஒன்றாகி உருவாகிப் புறப்பட்டு இங்கு ஒருத்தி தன்னால் வளர்க்கப்பட்டு' என்கிறார். கருவில் வளரும் ஒரு குழந்தையின் முறையான வளர்ச்சியைப் பற்றி ஒரு துறவி அப்போதே குறித்துள்ளார் என்றால், நாம் அனைவருக்கும் வியப்பாகத் தானே இருக்கும்? அவர் கருவின் தோற்றம், வளர்ச்சியை முறைப்படுத்திக் காட்டியுள்ளார்.

தாயின் வயிற்றுக்குள் இருந்து வெளிவந்ததும் அந்த குழந்தையைத் தொடும் போதே அழத் தொடங்கிவிடும். அதுவரை தாயின் தொப்புள் கொடி மூலம் சுவாசித்த குழந்தை தன் நுரையீரல் விரிவடைந்து காற்றைச் சுவாசிக்கும் புதிய அனுபவத்தைப் பெறும். இதனால் பெற்றோருக்கு மகிழ்ச்சி உண்டாகும். உள்ளத்துக் குள்ளேயே இன்ப ஊற்றுச் சுரந்து கொண்டிருக்கும். இதனை விட, அந்த வீட்டில் உள்ள தாத்தா-பாட்டி, மற்ற பெரியவர்களும் தங்கள் மகிழ்ச்சியை வெளிப்படையாகவே காட்டுவார்கள்.

குழந்தைகளைப் பாடவந்த புலவலர்கள் முதலில் 'காப்பு பருவம்' என அமைத்துள்ளனர். தாம் பெற்ற குழந்தையைக் காக்க விரும்பும் தாயார் எந்த நோய் வந்தாலும் நீங்க வேண்டுமென இறைவனை நினைத்து மஞ்சள் துணியில் காசும் நெல்லும் கலந்து முடிந்து அந்தக் குழந்தையின் கைகளில் கடவுள் காக்க' என்று சொல்லி காப்பாகக் கட்டுவார்கள்.