ஆபரேஷன் சிந்தூரில் 100 பயங்கரவாதிகள் கொலை

'ஆபரேஷன் சிந்தூர் நடவடிக்கையில் யூசுஃப் அஸார், அப்துல் மாலிக் ரவூஃப், முதாசிர் அகமது உள்ளிட்ட 100-க்கும் மேற்பட்ட பயங்கரவாதிகள் கொல்லப்பட்டனர்' என்று இந்திய ராணுவ நடவடிக்கைகள்-தலைமை இயக்குநர் ராஜீவ் காய் ஞாயிற்றுக்கிழமை தெரிவித்தார்.

- 

புது தில்லி, மே 11:

பஹல்காம் தாக்குதலையடுத்து பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் உள்ள பயங்கரவாத முகாம்களை அழிக்க 'ஆபரேஷன் சிந்தூர்' தாக்குதல் நடவடிக்கையை இந்தியா கடந்த செவ்வாய்க்கிழமை நள்ளிரவு மேற்கொண்டது. இதையடுத்து, இந்தியா-பாகிஸ்தான் இடையே தொடங்கிய மோதல் சனிக்கிழமை இரவு வரை 4 நாட்களுக்கு நீடித்தது. பாகிஸ்தான் விடுத்த கோரிக்கையின் அடிப்படையில் ஒப்புக் கொள்ளப்பட்ட சண்டை நிறுத்தத்தால் எல்லையில் ஞாயிற்றுக்கிழமை அமைதி நிலவியது.