வருவாய் புலனாய்வு இயக்குநரக அதிகாரிகள் என்னைத் துன்புறுத்தினர்

நடிகை ரன்யா ராவ் குற்றச்சாட்டு

- 

பெங்களூரு, மார்ச் 15: தங்கக் கடத்தல் வழக்கில் கைது செய்யப்பட்டுள்ள நடிகை ரன்யா ராவ், தன்னை வருவாய் புலனாய்வு இயக்குநரக அதிகாரிகள் துன்புறுத்தியதாக குற்றஞ்சாட்டியுள்ளார்.

இதுதொடர்பாக சிறையிலிருந்து வருவாய் புலனாய்வு இயக்குநரக கூடுதல் இயக்குநர் ஜெனரலுக்கு அவர் கடிதம் எழுதியுள்ளார்.

துபையில் இருந்து விமானத்தில் பெங்களூரு வந்த நடிகை ரன்யா ராவ், தங்கக் கடத்தலில் ஈடுபட்டதாக மார்ச் 3-ஆம் தேதி மத்திய அரசின் வருவாய் புலனாய்வு இயக்குநரக அதிகாரிகள் அவரை கைது செய்து, பெங்களூரு பரப்பன அக்ரஹாராவில் உள்ள மத்திய சிறையில் அடைத்துள்ளனர்.