25 இடங்களில் அமலாக்கத் துறை சோதனை

டாஸ்மாக் மதுபான கொள்முதல் முறைகேடு புகார்

- 

சென்னை, மார்ச் 6: டாஸ்மாக் மது பான கொள்முதல் முறைகேடு புகார் தொடர்பாக தமிழகத்தில் 25 இடங்களில் அமலாக்கத் துறை யினர் வியாழக்கிழமை (மார்ச் 6) சோதனை மேற்கொண்டனர்.

தமிழகத்தில் உள்ள 4,829 டாஸ்மாக் மதுபானக் கடைகள் மூலம் தினமும் சுமார் ரூ.100 கோடிக்கு மதுபானங்கள் விற்கப்படுகின்றன. டாஸ்மாக் நிர்வாகமானது தமிழக மின்சாரம் மற்றும் மது விலக்கு ஆயத்தீர்வைத் துறை அமைச்சர் வி. செந்தில் பாலாஜி யின் கட்டுப்பாட்டில் உள்ளது.

இந்நிலையில், டாஸ்மாக் மது பானக் கடைகளுக்கு தனியார் மதுபான ஆலைகளிடமிருந்து மதுபானம் கொள்முதல் செய்வதில் பெருமளவு முறைகேடு நடைபெறுவதாக தமிழகத்தைச் சேர்ந்த சில அரசியல் கட்சிகள் குற்றஞ்சாட்டி வருகின்றன.

முக்கியமாக, டாஸ்மாக் மதுபானக் கடைகளுக்கு கொள்முதல் செய்யப்படக்கூடிய மொத்த மது பானங்களில் 60 சதவீதத்துக்கு மட்டுமே ஆயத்தீர்வை வசூலிக்கப்படுகின்றன; 40 சதவீத மது பானங்களுக்கு எவ்விதமான ஆயத்தீர்வையும் வசூலிக்கப்படாமல், கள்ளச்சந்தையில் விற்பனை செய்யப்படுகிறது; இந்த முறைகேட்டின் மூலமாக மட்டும் ஆண்டுக்கு ரூ.50,000 கோடிக்கு மேல் முறைகேடு நடைபெறுவதாக தமிழகத்தைச் சேர்ந்த சில அரசியல் கட்சிகள் புகார் கூறின.