நாகை, மயிலாடுதுறை, திருவாரூரில் முதல்வர் பிறந்தநாள் கொண்டாட்டம்

நாகை, மயிலாடுதுறை மற்றும் திருவாரூர் மாவட்டங்களில் முதல்வர் மு.க. ஸ்டாலின் பிறந்த நாளை திமுகவினர் நலத்திட்ட உதவிகள் வழங்கி உற்சாகமாக கொண்டாடினர்.

- 

நாகப்பட்டினம்/மயிலாடுதுறை, மார்ச் 1:

நாகை: நாகை மாவட்டத்தில், திமுகவினர் பல்வேறு இடங்களில் நலத்திட்ட உதவிகள், முதியோர் இல்லங்களில் மதிய உணவு வழங்கல் போன்ற பணிகளில் ஈடுபட்டனர். கட்சியின் மாவட்டச் செயலாளரும் மீன் வளர்ச்சிக் கழகத் தலைவருமான என். கௌதமன் தலைமையிலும், நகரச் செயலர் இரா. மாரிமுத்து முன்னிலையிலும் நிகழ்ச்சிகள் நடைபெற்றன.

நாகை குருஜி இல்லத்தில் தங்கியுள்ள ஆதரவற்ற குழந்தைகளுக்கு காலை உணவு வழங்கப்பட்டது. தொடர்ந்து, சௌந்தரராஜ பெருமாள் கோயில் அருகே நடைபெற்ற உறுதிமொழி ஏற்பு நிகழ்ச்சியில், திமுகவினர் திரளானோர் கலந்துகொண்டனர். மாவட்ட வர்த் தக அணி அமைப்பாளர் குலோத் துங்கன், துணை அமைப்பாளர்கள் நாகதேவன், பாலமுருகன், நகர துணைச் செயலர்கள் சித்ரா, திலகர், சிவா மற்றும் பலர் கலந்து கொண்டனர்.

வேளாங்கண்ணி புனித ஆரோக்கிய அன்னை பேராலயத்தில் தமிழக முதல்வரின் பிறந்தநாளை யொட்டி, மும்மதத்தினர் சிறப்பு பிராத்தனை நடைபெற்றது. தொடர்ந்து, கீழையூர் கிழக்கு ஒன்றிய திமுக செயலர் தாமஸ் ஆல்வா எடிசன் தலைமையில், பேரூராட்சி தலைவர் டயானா ஷர்மிலி, பேரூர் திமுக செயலர் மரிய சார்லஸ் மற்றும் நிர்வாகிகள் பொதுமக்களுக்கும், சுற்றுலாப் பயணிகளுக்கும் இனிப்புகள், தென்னங்கன்றுகள் உள்ளிட்டவற்றை வழங்கினர்.