ஆஷஸ் கோப்பையை தக்கவைத்தது ஆஸ்திரேலியா

ஆஷஸ் தொடரின் 3-ஆவது ஆட்டமான அடிலெய்டு டெஸ்ட்டில் ஆஸ்திரேலியா 82 ரன்கள் வித்தியாசத்தில் இங்கிலாந்தை ஞாயிற்றுக்கிழமை வென்றது.

- 

இத்துடன் தொடர்ந்து 3-ஆவது ஆட்டத்தில் வென்ற ஆஸ்திரேலியா, 5 ஆட்டங்கள் கொண்ட தொடரைக் கைப்பற்றியது. இதன் மூலமாக, ஆஷஸ் கோப்பையையும் அந்த அணி தக்கவைத்துக் கொண்டது.

அடிலெய்டில் கடந்த புதன்கிழமை தொடங்கிய இந்த ஆட்டத்தில் டாஸ் வென்று பேட்டிங்கை தேர்வு செய்த ஆஸ்திரேலியா, முதல் இன்னிங்ஸில் 371 ரன்களுக்கு ஆட்டமிழந்தது. அலெக்ஸ் கேரி 106, உஸ்மான் கவாஜா 82 ரன்கள் சேர்த்தனர். இங்கிலாந்து தரப்பில் ஜோஃப்ரா ஆர்ச்சர் 5 விக்கெட்டுகள் சாய்த்தார்.