உத்தரகண்டில் குளிர்கால சுற்றுலாவுக்கு பிரதமர் மோடி அழைப்பு

உத்தரகண்ட் மாநிலத்துக்கு குளிர்காலத்தில் சுற்றுலா வந்தால், அதன் உண்மையான அழகைக் காண முடியும் என்று பிரதமர் நரேந்திர மோடி தெரிவித்தார்.

- 

முக்வா, மார்ச் 6:

உத்தரகண்ட் மாநிலத்துக்கு வியாழக்கிழமை வருகை தந்த பிரதமர் மோடி, உத்தரகாசி மாவட்டத்தின் முக்வாவில் உள்ள பிரசித்தி பெற்ற கங்கா தேவி கோயிலில் வழிபட்டார்.

கங்கா தேவியின் குளிர்கால உறைவிடமாக இக்கோயில் திகழ்கிறது. குளிர்காலத்தையொட்டி கங்கோத்ரி கோயில் மூடப்படும் போது, அங்குள்ள உற்சவர் சிலை முக்வா கோயிலுக்கு கொண்டுவரப்பட்டு வழிபடப்படுகிறது.

இங்கு வியாழக்கிழமை வருகை தந்த பிரதமர் மோடிக்கு உள்ளூர் மக்கள் உற்சாக வரவேற்பு அளித்தனர். கோயிலில் தரிசனம் மேற்கொண்ட பின்னர், ஹர்சில் பகுதியில் நடைபெற்ற குளிர்கால சுற்றுலா திட்ட நிகழ்ச்சியில் பிரதமர் மோடி பங்கேற்றார். அப்போது, மனா கிராமத்தில் அண்மையில் ஏற்பட்ட பனிச்சரிவில் உயிரிழந்தோரின் குடும்பங்களுக்கு இரங்கல் தெரிவித்து, பிரதமர் தனது உரையை தொடங்கினார். அவர் பேசியதாவது: