ஐடி பங்குகளுக்கு திடீர் ஆதரவு: சென்செக்ஸ் நேர்மறையாக முடிவு!

இந்த வாரத்தின் 2-ஆவது வர்த்தக தினமான செவ்வாய்க்கிழமையும் பங்குச்சந்தை நேர்மறையாக முடிந்தது.

- நமது நிருபர்

மும்பை பங்குச் சந்தை குறியீடான சென்செக்ஸ், தேசிய பங்குச்சந்தை குறியீடான நிஃப்டி ஆகிய இரண்டும் சிறிதளவு லாபத்துடன் நிறைவடைந்தன.உலகளாவிய சந்தைக் குறிப்புகள் கலவையாக இருந்தன. இந்நிலையில், உள்நாட்டுச் சந்தை சரிவுடன் தொடங்கினாலும், பிற்பகல் வர்த்தகத்தின் போது ‘காளை' ஆதிக்கம் கொண்டது. கடந்த சில நாள்களாக ஏஐ தாக்கம் காரணமாக சரிவைச் சந்தித்து வந்த ஐடி துறை பங்குகளுக்கு செவ்வாய்க்கிழமை ஆதரவு கிடைத்தன.

சந்தை மதிப்பு உயர்வு:

மும்பை பங்குச்சந்தையில் சந்தை மூலதன மதிப்பு வர்த்தக முடிவில் ரூ.1.52 லட்சம் கோடி உயர்ந்து, ரூ.470.11 லட்சம் கோடியாக இருந்தது.