நிதி நிறுவன ஊழியர் எரித்து கொல்லப்பட்ட வழக்கில் தம்பதி கைது

உடலை வாங்க மறுத்து உறவினர்கள் மறியல்

- 

கும்பகோணம்/தா.பழூர், மார்ச் 3: அரியலூர் மாவட்டம், ஜெயங்கொண்டம் அருகே தனியார் நிதி நிறுவன ஊழியர் எரித்துக் கொல்லப்பட்ட சம்பவத்தில் தம்பதியை போலீஸார் திங்கள்கிழமை கைது செய்தனர். ஊழியரின் உடலை வாங்க மறுத்து, உறவினர்கள் கஞ்சனூர் பகுதியில் மறியலில் ஈடுபட்டனர்.

தஞ்சாவூர் மாவட்டம், கஞ்சனூர் அருகே கோட்டூர் கிராமத்தைச் சேர்ந்தவர் சிவா (25). தனியார் நிதி நிறுவனத்தில் கடன் பணம் வசூல் செய்யும் வேலையில் இருந்த இவரை பிப்ரவரி 28-ஆம் தேதி முதல் காணவில்லை. இந்நிலையில், ஜெயங்கொண்டம் அருகே உள்ள ஆயுதக்களம் செங்கால் ஓடை பகுதியில் ஞாயிற்றுக்கிழமை பாதி எரிந்த நிலையில் ஞாயிற்றுக்கிழமை சிவாவின் சடலம் கிடந்துள்ளது.