தாக்குதலுக்கு அமித் ஷா பொறுப்பு

'பாதுகாப்புக் குறைபாடுகள் காரணமாகவே பஹல்காம் பயங்கரவாதத் தாக்குதல் நிகழ்ந்தது; எனவே, ஜம்மு-காஷ்மீர் துணைநிலை ஆளுநரை கைகாட்டிவிட்டு ஒளிந்துகொள்ளாமல் மத்திய உள்துறை அமைச்சர் அமித்ஷாவே இதற்குப் பொறுப்பேற்க வேண்டும்' என மத்திய அரசை காங்கிரஸ் கடுமையாகச் சாடியது.

- 

புது தில்லி, ஜூலை 28:

ஆபரேஷன் சிந்தூர் மீதான சிறப்பு விவாதம் மக்களவையில் திங்கள்கிழமை தொடங்கியது. இந்த விவாதத்தில் பங்கேற்ற மக்களவை காங்கிரஸ் குழு துணைத் தலைவர் கௌரவ் கோகோய் இவ்வாறு தெரிவித்தார்.

விவாதத்தில் அவர் மேலும் பேசியதாவது: 'ஆபரேஷன் சிந்தூர்' நடவடிக்கை நிறைவடையவில்லை என்றும், பாகிஸ்தான் மீண்டும் ஒரு பயங்கரவாதத் தாக்குதலை நடத்தலாம் என்றும் மத்திய அரசு தொடர்ந்து கூறி வருகிறது. அப்படியென்றால் ஆபரேஷன் சிந்தூர் வெற்றியடைந்ததாக எவ்வாறு கூற முடியும்? அதேபோல் எங்களது நோக்கம் போர் இல்லை எனவும், எந்தவொரு பிராந்தியத்தை மீட்பதற்காகவும் இந்த நடவடிக்கை மேற்கொள்ளவில்லை எனவும் மத்திய அரசு கூறுகிறது.