சிறுநீரக உறுப்பு தான முறைகேடுகள்; கடும் நடவடிக்கை எடுக்கப்படும்

சிறுநீரக உறுப்பு தானம் முறைகேடுகளில் ஈடுபடும் மருத்துவமனைகள், மருத்துவர்கள், இடைத்தரகர்கள் மீது அரசு கடுமையான நடவடிக்கை எடுக்கும் என மருத்துவம், ஊரக நலப்பணிகள் இயக்ககம் தெரிவித்தது.

- 

சென்னை, ஜூலை 26:

இதுதொடர்பாக மருத்துவம், ஊரக நலப்பணிகள் இயக்ககம் வெளியிட்ட செய்திக்குறிப்பில் கூறியிருப்பதாவது:

நாமக்கல் மாவட்டத்தில் முறைகேடான சிறுநீரக மாற்று அறுவை சிகிச்சை தொடர்பான புகார் குறித்து மருத்துவம் மற்றும் ஊரக நலப்பணிகள் இயக்ககத்தின் ஆய்வு மற்றும் விசாரணைக் குழுவால் கடந்த 22-ஆம் தேதி கள ஆய்வு செய்யப்பட்டது. அதில், வறுமை நிலையில் உள்ளவர்களைக் குறிவைத்து முறைகேடான ஆவணங்களைத் தயார் செய்து சிறுநீரகங்களை வணிக ரீதியாக பெற்று சிறுநீரக மாற்று அறுவை சிகிச்சை செய்தது கண்டறியப்பட்டது.