நான்காவது நாளாக 'கரடி' ஆதிக்கம்: சென்செக்ஸ், நிஃப்டி சரிவுடன் முடிவு

இந்த வாரத்தின் முதல் வர்த்தக தினமான திங்கள்கிழமையும் பங்குச்சந்தை எதிர்மறையாக முடிந்தது.

- நமது நிருபர்

மும்பை / புது தில்லி, ஜூலை 14:

இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் கடும் சரிவுடன் முடிவடைந்தன.

உலகளாவிய சந்தைக் குறிப்புகள் எதிர்மறையாக இருந்தன. இதன் தாக்கம் உள்நாட்டுச் சந்தையிலும் எதிரொலித்தது. ஐடி பங்குகள் விற்பனை அதிகரிப்பு மற்றும் வெளிநாட்டு நிதி வெளியேற்றம் ஆகியவை காரணமாக நான்காவது நாளாக உள்நாட்டுச் சந்தை இழப்பைச் சந்தித்தது. ஆட்டோ, ஃபார்மா, ஹெல்த்கேர், மீடியா, ரியால்ட்டி பங்குகளுக்கு ஓரளவு ஆதரவு கிடைத்தாலும், ஐடி பங்குகள் அதிகம் விற்பனையை எதிர்கொண்டன என்று பங்கு வர்த்தகத் தரகு நிறுவனங்கள் தெரிவித்தன.