ஃபென்ஜால் புயல் நிவாரண நிதியை மத்திய அரசு வழங்க வேண்டும்

ஃபென்ஜால் புயல் பாதிப்புகளை மத்தியக் குழு மதிப்பீடு செய்து 3 மாதங்கள் கடந்த நிலையில், தமிழகத்திற்கான நிவாரண நிதியை மத்திய அரசு உடனடியாக வழங்க வேண்டும் என்று மார்க்சிஸ்ட் கம்யூனிஸ்ட் மாநிலச் செயலர் பெ.சண்முகம் வலியுறுத்தினார்.

- 

நெய்வேலி, பிப்.25:

கடலூரில் செவ்வாய்க்கிழமை செய்தியாளர்களிடம் அவர் கூறியதாவது:

ஃபென்ஜால் புயல், மழையால் பாதிக்கப்பட்ட கடலூர், விழுப்புரம், கள்ளக்குறிச்சி, திருவண்ணாமலை ஆகிய மாவட்டங்களில் மத்தியக் குழுவினர் ஆய்வு செய்து மூன்று மாதங்கள் கடந்த நிலையில், தற்போது வரை மத்திய அரசு பேரிடர் நிவாரணம் வழங்கவில்லை. எனவே, தமிழக அரசு கோரிய ரூ.37 ஆயிரம் கோடியை மத்திய அரசு வழங்க வேண்டும்.

தமிழக அரசு சொந்த நிதியில் ரூ.500 கோடியை பாதிக்கப்பட்ட பயிர்களுக்கு நிவாரணமாக விவசாயிகளுக்கு வழங்கியுள்ளது.