புஷ்கர் கால்நடை கண்காட்சி: ரூ.15 கோடி குதிரை, ரூ.23 கோடி எருமை கவனம் ஈர்ப்பு!

இந்தியாவின் மிகவும் புகழ்பெற்ற கால்நடை சந்தைகளில் ஒன்றான ராஜஸ்தானின் புஷ்கர் கால்நடை கண்காட்சியில், ரூ. 15 கோடி மதிப்பிலான குதிரை, ரூ. 23 கோடி மதிப்புகொண்ட எருமை மற்றும் வெறும் 16 அங்குல உயரமே உள்ள பசு ஆகியவை விற்பனைக்கு வந்து பார்வையாளர்களின் கவனத்தை ஈர்த்துள்ளன.

- 

இந்தக் கண்காட்சி அதிகாரபூர்வமாக வரும் அக்டோபர் 30-ஆம் தேதி தொடங்கி, நவம்பர் 5-ஆம் தேதி வரை நடைபெறவிருந்தாலும், சுற்றுலாப் பயணிகள் மற்றும் வர்த்தகர்களின் வருகையால் கண்காட்சித் திடல் தற்போதே களைகட்டத் தொடங்கியுள்ளது. சிறந்த பால் உற்பத்தியாளர், சிறந்த குதிரை இனம் மற்றும் சிறந்த முறையில் அலங்கரிக்கப்பட்ட ஒட்டகம் போன்ற போட்டிகளும் இப்போதே விறுவிறுப்பாக நடைபெற்று வருகின்றன.

இந்த ஆண்டு கண்காட்சியில் விற்பனைக்காக இதுவரை 4,300-க்கும் மேற்பட்ட விலங்குகள் பதிவு செய்யப்பட்டுள்ளன. இதில் 3,028 குதிரைகள் மற்றும் 1,306 ஒட்டகங்கள் அடங்கும்.