மதுரை மாநகராட்சி மேயர் ராஜிநாமா

மதுரை மாநகராட்சி மேயர் வ. இந்திராணி (திமுக) பதவியிலிருந்து விலகுவதாக புதன்கிழமை கடிதம் அளித்தார்.

- 

மதுரை மாநகராட்சிக்குள்பட்ட பகுதிகளில் உள்ள வணிக வளாகங்களுக்கு அரசு நிர்ணயித்த வரியைவிடக் குறைவான வரியை விதித்து முறைகேடு நடைபெற்றதாக கடந்த 2024-ஆம் ஆண்டில் புகார் எழுந்தது. இதுதொடர்பாக அப்போதைய மாநகராட்சி ஆணையர் தினேஷ்குமார் மத்திய குற்றப் பிரிவில் புகார் அளித்தார்.

இதுகுறித்த விசாரணையில், சொத்து வரியைக் குறைத்து கணக்கிட்டதும், இதன்மூலம் மாநகராட்சிக்கு ரூ. 150 கோடி வருவாய் இழப்பு ஏற்படுத்தப்பட்டதும் தெரியவந்தது.