தமிழக அரசின் முதன்மைச் செயலர் லீலா வெங்கடேசன் காலமானார்

தமிழக அரசின் முதன்மைச் செயலர் லீலா வெங்கடேசன் (56) (படம்) புதன்கிழமை காலமானார். கடந்த சில மாதங்களாக உடல் நலக் குறைவால் பாதிக்கப்பட்டிருந்த அவர், சென்னையில் சிகிச்சை பலனின்றி உயிரிழந்தார்.

- 

1997ஆம் ஆண்டு பிகார் மாநிலப் பிரிவில் இருந்து குடிமைப் பணிக்கு லீலா தேர்ச்சி பெற்றார். போஜ்பூர் மாவட்ட உதவி ஆட்சியராகப் பணியைத் தொடங்கிய அவர், மண வாழ்க்கை காரணமாக தமிழ்நாடு மாநிலப் பிரிவு ஐஏஎஸ் அதிகாரியாக மாறினார்.

இதன்பிறகு, செங்கல்பட்டு சார் ஆட்சியராக தமிழ்நாட்டில் பணியைத் தொடங்கினார். சுகாதாரம், வணிகவரி, கைத்தறி மற்றும் துணி நூல் துறைகளின் செயலராக பொறுப்பு வகித்தார். கரோனா காலத்தில் சுகாதாரத் துறைச் செயலராக பணியாற்றினார்.

எரிசக்தித் துறை முதன்மைச் செயலராக பணியாற்றி வந்த சூழலில், திடீரென உடல்நலக் குறைவால் பாதிக்கப்பட்டார்.