ஒசூரில் முதல்வர் மு.க.ஸ்டாலினுக்கு வரவேற்பு

கிருஷ்ணகிரியில் நடைபெற்ற அரசு நிகழ்ச்சியில் கலந்துகொள்ள ஞாயிற்றுக்கிழமை சென்னையில் இருந்து விமானம் மூலம் ஒசூர் வந்த முதல்வர் மு.க.ஸ்டாலினுக்கு திமுகவினர் சாலையின் இருபுறமும் நின்று சிறப்பான வரவேற்பு அளித்தனர்.

- 

ஒசூர், செப். 14:

ஒசூர் தனேஜா விமான நிலையத்துக்கு ஞாயிற்றுக்கிழமை காலை 9.40 மணிக்கு வந்த முதல்வர் மு.க.ஸ்டாலினை கிருஷ்ணகிரி மேற்கு மாவட்டச் செயலாளரும் ஒசூர் எம்.எல்.ஏவுமான ஒய். பிரகாஷ் புத்தகம் வழங்கி வரவேற்றார். கிருஷ்ணகிரி எம்.பி. கே.கோபிநாத், பர்கூர் எம்.எல்.ஏ மதியழகன், ஒசூர் மாநகராட்சி மேயர் எஸ்.ஏ. சத்யா, துணை மேயர் ஆனந்தய்யா, முன்னாள் எம்.பி. சுகவனம், முன்னாள் எம்.எல்.ஏ பி.முருகன் ஆகியோரும் வரவேற்றனர்.