நத்தம் அருகே மனைவிக்கு வீட்டிலேயே பிரசவம் பார்த்த கணவர்!

திண்டுக்கல் மாவட்டம், நத்தம் அருகே வியாழக்கிழமை கர்ப்பிணி மனைவியை மருத்துவமனைக்கு அழைத்துச் செல்ல மறுத்து, அவரது கணவர் வீட்டிலேயே பிரசவம் பார்த்தது, சர்ச்சையை ஏற்படுத்தியுள்ளது.

- 

நத்தம், ஆக. 22:

தூத்துக்குடி மாவட்டம், திருச்செந்தூரைச் சேர்ந்தவர் கஜேந்திரன் (32). இவர் திண்டுக்கல் மாவட்டம், கோபால்பட்டியில் அரசுடைமையாக்கப்பட்ட வங்கியில் மேலாளராக உள்ளார். இவரது மனைவி சத்யா (26). இவர், ஒசூரில் உள்ள ஒரு கல்லூரியில் இளநிலை பேராசிரியை. இவர்கள் கோபால்பட்டி எல்லை நகரில் வசித்து வருகின்றனர்.

இந்த நிலையில், கர்ப்பிணியான சத்யா ஒசூரில் உள்ள ஆரம்ப சுகாதார நிலையத்தில் அவ்வப்போது மருத்துவப் பரிசோதனை செய்து வந்தார். இதனிடையே, 8 மாத கர்ப்பிணியாக இருந்த சத்யாவை கோபால்பட்டிக்கு கஜேந்திரன் அழைத்து வந்தார்.

தனது மனைவிக்கு இயற்கை முறையில் பிரசவம் நடைபெற வேண்டும் என கஜேந்திரன் வாட்ஸ்ஆப் குழுவில் இணைந்து நண்பர்களுடன் ஆலோசனை செய்து வந்தார்.