முன்னுதாரணங்களை சமூக ஊடகங்களில் தேடாதீர்கள்

மாணவர்கள் தங்களுக்கான முன்னுதாரணங்களை சமூக ஊடகங்களில் தேடாதீர்கள் என்றும், பொழுதுபோக்கு வாழ்க்கையின் ஒரு அங்கம்தான் எனவும் முதல்வர் மு.க.ஸ்டாலின் அறிவுரை வழங்கினார்.

- 

சென்னை, ஆக. 22:

சென்னையில் வெள்ளிக்கிழமை நடைபெற்ற குட்ஷெப்பர்டு பள்ளியின் நூற்றாண்டு விழாவில் சிறப்பு விருந்தினராகப் பங்கேற்று முதல்வர் மு.க.ஸ்டாலின் பேசியதாவது:

சென்னையின் பல்வேறு வரலாற்று அடையாளங்களில் ஒன்றாக இருப்பது நூற்றாண்டு கண்டுள்ள குட்ஷெப்பர்டு பள்ளி. இப்பள்ளியில், ஆயிரக்கணக்கான மாணவர்கள் படித்து, முன்னேறி உயர்ந்த பொறுப்புகளுக்குச் சென்று புகழ் பெற்றிருக்கிறார்கள்.

ஒரு காலத்தில் கல்வி என்பது, நமக்கு மறுக்கப்பட்ட ஒன்றாக இருந்தது. பல்வேறு போராட்டங்களுக்குப் பிறகுதான் கல்விக் கதவுகள் நமக்குத் திறக்கப்பட்டன. இப்போதும் கல்விக்காகப் போராடும் மக்கள் இருக்கிறார்கள். கல்வியை ஊக்குவிக்க வேண்டும் என்பதற்காகத்தான் காலை உணவுத் திட்டம், நான் முதல்வன், புதுமைப்பெண், தமிழ்ப் புதல்வன் என்று ஏராளமான திட்டங்களைச் செயல்படுத்தி வருகிறோம்.

இப்போதுகூட பள்ளி மாணவர்களுக்காகவே சிறப்புப் பேருந்துகள் தொடங்கியிருக்கிறோம்.