ஊராட்சிப் பகுதிகளில் உரிமக் கட்டணம் மாற்றியமைப்பு தமிழக அரசிதழில் உத்தரவு வெளியீடு

ஊராட்சிப் பகுதிகளில் தொழில் தொடங்குவதற்கான உரிமக் கட்டணம் மாற்றியமைக்கப்பட்டுள்ளது. இதுகுறித்த உத்தரவு தமிழக அரசிதழில் வெளியிடப்பட்டுள்ளது.

- 

சென்னை, ஜூலை 28:

உத்தரவு விவரம்:

ஊராட்சிகளில் வர்த்தகம் அல்லது வணிகம் செய்யக்கூடிய எந்தவொரு நபரும் அதற்கான உரிமத்தைப் பெற்றிருக்க வேண்டும். உரிமத்தை அனைவருக்கும் தெரியும் வகையில் சுவரில் மாட்டியிருக்க வேண்டும். அரசால் தடை செய்யப்பட்ட பொருள்கள், தயாரிப்புகளை விற்பனை செய்யக் கூடாது.

உரிமம் பெற்ற வியாபாரிகள், தீயணைப்புச் சான்றிதழைப் பெற்றிருப்பதுடன், அதற்குரிய விதிமுறைகளையும் பின்பற்ற வேண்டும். கடுமையான மற்றும் தொற்றுநோய் பாதிப்புகளைக் கொண்ட நபர்களை வணிக நடவடிக்கைகளில் ஈடுபடுத்தக் கூடாது. கடைகள், வர்த்தக நிறுவனங்கள் ஆகியவற்றின் பெயர்ப் பலகைகள் தமிழில் இருப்பதை உறுதி செய்ய வேண்டும்.