தனியார் பால் நிறுவன மேலாளர் தற்கொலை வழக்கு காத்திருப்போர் பட்டியலுக்கு காவல் ஆய்வாளர் மாற்றம்

தனியார் பால் நிறுவன மேலாளர் தூக்கிட்டு தற்கொலை செய்துகொண்ட சம்பவத்தின் எதிரொலியாக, மாதவரம் குற்றப் பிரிவு காவல் ஆய்வாளர் காத்திருப்போர் பட்டியலுக்கு மாற்றப்பட்டார்.

- 

சென்னை, ஜூலை 11:

சென்னை அருகே உள்ள புழல் பிரிட்டானியா நகர் முதல் தெருவைச் சேர்ந்தவர் நவீன் பொலின் மேனி. ஆந்திர மாநிலத்தைச் சேர்ந்த இவர், இங்குள்ள ஒரு பிரபலமான பால் தயாரிப்பு நிறுவனத்தில் கருவூல மேலாளராகப் பணியாற்றி வந்தார்.

இந்நிலையில், நவீன் அந்த நிறுவனத்தில் ரூ.40 கோடி கையாடல் செய்துவிட்டதாகவும், கையாடல் செய்த பணத்தை தனது குடும்பத்தினர், நண்பர்களின் வங்கிக் கணக்குக்கு மாற்றியிருப்பதாகவும் புகார் கூறப்பட்டது.