படைப்பாளிகள் வாழும் காலத்திலேயே அங்கீகாரம் பெறவேண்டும்

படைப்பாளிகள் அவர்கள் வாழும் காலத்திலேயே அங்கீகாரம் பெற வேண்டும் என்று முதல்வர் மு.க.ஸ்டாலின் வலியுறுத்தினார்.

- 

சென்னை, ஜூன் 27:

சாகித்ய அகாதெமி மற்றும் ஜவஹர்லால் நேரு பல்கலைக்கழகத்தின் சிறப்பு நிலைத் தமிழ்த்துறை இணைந்து முன்னாள் முதல்வர் கருணாநிதி நூற்றாண்டு கருத்தரங்க நிகழ்ச்சி இரண்டு நாள்கள் நடைபெறவுள்ளன. இதனை வெள்ளிக்கிழமை தொடங்கி வைத்து முதல்வர் மு.க.ஸ்டாலின் பேசியதாவது:

முன்னாள் முதல்வர் கருணாநிதி மேடையில் ஆற்றிய உரை கள் இலக்கியத்தின் மறுமுகம். சட்டப் பேரவையில் அவரது பேச்சுகள், பேரவையின் மாண்புக்கு இலக்கணம். அவர் நடத்திய விவாதங்கள் அழகான ஆழமான கருத்து மோதல்கள். தன்னுடைய வாழ்நாளில் 80 ஆண்டுகளை பொது வாழ்க்கைக்கு ஒப்படைத்த மாபெரும் தலைவர் அவர். அவர் தலைமையில் நடைபெற்ற போராட்டங்களும் பெற்ற வெற்றிகளும் இந்திய சமூகத்தை உணர நினைக்கும் அனைவருக்குமான படிப்பினைகளாக அமைந்துள்ளன.

தொட்ட துறைகள் அனைத்திலும் கோலோச்சிய தலைவர் தான் கருணாநிதி. இலக்கியத்தை இளைப்பாறும் நிழலாகக் கருதினார்.