மா விவசாயிகளுக்கு நிவாரணம் அளிக்க முதல்வர் நடவடிக்கை

மா விவசாயிகளுக்கு நிவாரணம் கிடைக்க முதல்வர் மு.க.ஸ்டாலின் நடவடிக்கை எடுத்து வருவதாக கிருஷ்ணகிரி திமுக கிழக்கு மாவட்டச் செயலாளர் தே.மதியழகன் எம்எல்ஏ (பர்கூர்) தெரிவித்தார்.

- 

கிருஷ்ணகிரி, ஜூன் 26:

இதுகுறித்து செய்தியாளர்களிடம் வியாழக்கிழமை அவர் கூறியதாவது:

தமிழகத்தில் நிகழாண்டில் மா மகசூல் அதிகரித்துள்ள நிலையில் தனியார் மாம்பழக்கூழ் நிறுவனங்கள் கொள்முதல் அளவை குறைத்துள்ளதால் மாம்பழம் கொள்முதல் விலை குறைந்துள்ளது. இதனால், மா விவசாயிகள் பெரிதும் பாதிக்கப்பட்டுள்ளனர்.

அண்டை மாநிலமான ஆந்திரத்தில் உள்ள மாம்பழ கூழ் உற்பத்தியாளர்கள், தமிழக மாம்பழங்களை வாங்குவதற்கு தடை உள்ளது. இதனால், தமிழக மா விவசாயிகள் பெரிதும் பாதிக்கப்பட்டுள்ளதால் அரசு உதவ வேண்டும் என தமிழக முதல்வர், பிரதமருக்கு விவசாயிகள் கடிதம் எழுதியுள்ளனர்.