ஜூலை முதல் ரயில் கட்டணத்தை உயர்த்த முடிவு?

வருகின்ற ஜூலை 1 முதல் மெயில் மற்றும் விரைவு ரயில்களில் குளிரூட்டப்படாத வகுப்புகளின் பயணக் கட்டணத்தை உயர்த்த ரயில்வே அமைச்சகம் பரிசீலித்து வருவதாக அதிகாரிகள் செவ்வாய்க்கிழமை தெரிவித்தனர்.

- 

புது தில்லி, ஜூன் 24: வருகின்ற ஜூலை 1 முதல் மெயில் மற்றும் விரைவு ரயில்களில் குளிரூட்டப்படாத வகுப்புகளின் பயணக் கட்டணத்தை உயர்த்த ரயில்வே அமைச்சகம் பரிசீலித்து வருவதாக அதிகாரிகள் செவ்வாய்க்கிழமை தெரிவித்தனர்.

அதன்படி மெயில் ரயிலில் கி.மீ.க்கு 1 பைசாவும், விரைவு ரயிலில் கி.மீ.க்கு 2 பைசாவும் உயர்த்த முடிவெடுத்திருப்பதாகவும் தெரிகிறது. எனினும் தினசரி பயணிகளின் நலன் கருதி நகர்ப்புற ரயில் பயணச் சீட்டு கட்டணம் மற்றும் மாதாந்திர பயணச் சீட்டு கட்டணத்தை உயர்த்தும் திட்டம் இல்லை எனவும் அவர்கள் கூறினர்.