இந்தியாவின் உற்பத்தி இதுவரை இல்லாத அளவில் சரிவு: ராகுல் குற்றச்சாட்டு

'இந்தியாவில் தயாரிப்போம் (மேக் இன் இந்தியா) திட்டத்தை மத்திய அரசு முன்னெடுத்தபோதும், இந்தியாவின் உற்பத்தி இதுவரை இல்லாத அளவில் சரிவைச் சந்தித்துள்ளது' என்று சுட்டிக்காட்டியமக்களவை எதிர்க்கட்சித் தலைவர் ராகுல் காந்தி, 'பிரதமர் நரேந்திர மோடி தீர்வுகளுக்காக அன்றி முழக்கங்களுக்கான கலையில் தேர்ந்தவர்' என்று விமர்சித்துள்ளார்.

- 

புது தில்லி, ஜூன் 21:

இதுகுறித்து தனது எக்ஸ் பக்கத்தில் ராகுல் காந்தி சனிக்கிழமை வெளியிட்ட பதிவில் கூறியிருப்ப தாவது:

மத்திய பாஜக அரசு 'மேக் இன் இந்தியா' திட்டத்தை அறிமுகம் செய்து ஊக்குவித்து வருகிறது. மத்திய அரசின் இந்த வாக்குறுதிப்படி, இந்தியாவில் தொழில்நிறுவனங்கள் மேம்பட்டிருக்க வேண்டும். ஆனால், நாட்டின் உற்பத்தி இதுவரை இல்லாத அளவில் சரிந்துள்ளது. கடந்த 2014-ஆம் ஆண்டுமுதல் நாட்டின் பொருளாதாரத்தில் உற்பத்தித் துறையின் பங்கு 14 சதவீதம் அளவுக்கு சரிந்துள்ளது.

இளைஞர்களுக்கான வேலை வாய்ப்பின்மையும் இதுவரை இல்லாத அளவுக்கு அதிகரித்துள்ளது. சீனாவிலிருந்து இறக்குமதி செய்வது இரண்டு மடங்காக உயர்ந்துள்ளது.