உலகின் உயரமான செனாப் ரயில் பாலம் திறப்பு!

ஜம்மு-காஷ்மீரின் ரியாசி மாவட்டத்தில் செனாப் ஆற்றின் குறுக்கே கட்டப்பட்டுள்ள உலகின் உயரமான ரயில் பாலத்தை வெள்ளிக்கிழமை திறந்துவைத்த பிரதமர் மோடி, அதில் தேசியக் கொடியுடன் நடந்து சென்றார்.

- 

கத்ரா, ஜூன் 6:

நதிப் படுகையில் இருந்து 359 மீட்டர் உயரம் கொண்ட இந்தப் பாலம், உலகின் உயரமான எஃகு வளைவுப் பாலம் என்ற சிறப்பையும் கொண்டது. கடுமையான வானிலை, நிலநடுக்கம், சூறாவளி காற்றையும் தாங்கும் வல்லமையுடன் கட்டப்பட்டுள்ளது.

ஜம்முவிலிருந்து காஷ்மீருக்கு நேரடி ரயில் இணைப்பை வழங்கும் உதம்பூர்-ஸ்ரீநகர்-பாரமுல்லா வழித்தடத்தில் முக்கியத்துவம் வாய்ந்த கத்ரா-பனிஹால் இடையே கட்டப்பட்டுள்ள செனாப் பாலம், இந்திய நவீன பொறியியலில் மைல்கல்லாக பார்க்கப்படுகிறது.